پاکستان کوسٹ گارڈز کی کارروائی، ہزاروں لیٹر ڈیزل و پیٹرول برآمد، کوچز بھی قبضہ میں لے لی گئیں

 

پاکستان کوسٹ گارڈز کی ڈیزل،پٹرول اور ممنوعہ اشیاء کی اسمگلنگ کی روک تھام کے لئے دوسرے اداروں کے ساتھ مشترکہ کاروائیاں ، ترجمان کوسٹ گارڈز کے مطابق بلوچستان میں تربت، گوادر اور کوئٹہ سے کراچی آنے والی مسافر کوچز ،منی بسوں اور گاڑیوں کے خفیہ خانوں میں غیر قانونی ایرانی ڈیزل،پٹرول اور ممنوع اشیاء اسمگل کی جا رہی ہیں۔خصوصا مسافر کوچز  میں اسمگلنگ کے لئے تیار کردہ خفیہ خانوں /ٹینکس میں ڈیزل، منشیات اور ممنوعہ اشیاء کی اسمگلنگ کو ممکن بنایا جاتاہے۔ مسافر گاڑیوں اور انکے خفیہ خانوں کو استعمال کر کے براستہ روڈ ڈیزل ملک کے دیگر شہروں تک پہنچایا جاتا ہے۔ ماضی قریب میں مسافر کوچز کے خفیہ خانوں میں موجودایرانی ڈیزل اور پٹرول کی وجہ سے آتشزدگی کے متعدد واقعات پیش آچکے ہیں۔ جس میں کئی قیمتی جانیں ضائع ہوئیں۔ مسافروں کی آڑ میں مسافر کوچز کے خفیہ خانوں میں ایرانی ڈیزل اور پٹرول کی اسمگلنگ روز مرہ کا معمول بنتی جا رہی ہے۔ 

 دو دن قبل آئل کمپنیوں کی گاڑیوں جن میں مشہور کمپنیاں شامل ہیں، ان گاڑیوں کو جعلی پرمٹ جاری کرتے ہیں،ان گاڑیوں کوقبضے میں لیکر ان کے خلاف قانونی کاروائی کے لئے اواگرا اور پی ایس او سے ان کے متعلق تحقیقات کی جا رہی ہیں۔گزشتہ رات اوتھل اور بیلہ کے علاقے میں ایک مشترکہ اپریشن کے دوران 03 آئل ٹینکر ز کو قبضے میں لے کر کسٹم کے حوالے کر دیا گیا۔ پاکستان کے قانون نافذ کرنے والے ادارے حب بلوچستان میں غیرقانونی ایرانی تیل کی اسمگلنگ کے خلاف مشترکہ اپریشن جاری رکھنے میں سرگرم عمل ہیں اور ہرطرح کی اسمگلنگ کی روک تھام میں اپنا کردار ادا کرتے رہیں گے ۔

مکمل تحریر >>>

نائجریا،ریاست قدونا میں مسلح افراد کا دھاوا ، 23 افراد کو جان سے مار ڈالا

 مغربی افریقی ملک نائجیریا کی ریاست قدونا میں ایک جتھے کے مسلح حملے میں 23 افراد اپنی جان سے ہاتھ دھو بیٹھے۔

مسلح اشخاص نے انگوار  دانکو اور کاناوا گاؤں پر حملے کیے۔

بتایا گیا ہے کہ حملے میں 23 افراد ہلاک اور 5 زخمی ہوئے۔

حکام کا کہنا ہے کہ اس دوران متعدد افراد کو اغوا کر لیا گیا جن میں سے کچھ فرار ہونے میں کامیاب ہو گئے۔

دوسری جانب ریاست کاتسینا کے علاقے مالم فشی میں موٹر سائیکل سواروں اور مسلح افراد کے ایک گروہ کےحملے میں بچوں اور خواتین سمیت 20 افراد کو تاوان کے لیے اغوا کر لیا گیا۔

اگرچہ ملک میں اس جرم کی سزا پھانسی ہے لیکن اغوا برائے تاوان کی وارداتیں کافی عام ہیں۔

دہشت گرد عمومی طور پر ملک کے شمال میں دیہاتوں، اسکولوں اور مسافروں کو نشانہ بناتے ہیں اور تاوان کا مطالبہ کرتے ہیں۔

مکمل تحریر >>>

قصور ،غیر قانونی جلسہ کرنے پر سنی اتحاد کونسل کے رہنماؤں کے خلاف مقدمہ درج

       قصور( نمائندہ 50 نیوز) تھانہ کھُڈیا ں پولیس نے سنی اتحاد کونسل کیطرف سے غیر قانونی  جلسہ  کے انعقاد پر مقدمہ درج کر لیا 

مقدمہ میں سنی اتحاد کونسل کے رہنما شیر افضل مروت اور سردار محمد حسین ڈوگر سمیت 16 رہنما نامزد جبکہ 500/600 نامعلوم کارکن شامل  

سنی اتحاد کونسل کیطرف سے ضلعی انتظامیہ کیطرف سے این او سی حاصل نہیں کیا گیا، ایف آئی آر کا متن 

جلسے میں ریاست مخالف بیانیہ اپنا کر لوگوں کو انتشار دلانے کی کوشش کی گئی ،ایف آئی آر کا متن

سنی اتحاد کونسل کے رہنماؤں نے اسلحہ کی نمائش کرتے ہوئے الیکشن کمیشن کے کوڈ آف کنڈکٹ  اور دفعہ  144 کی خلاف ورزی کی، ایف آئی آر کا متن 

تھانہ کھُڈیا ں پولیس نے تعزیرات پاکستان کی مختلف دفعات کے تحت مقدمہ درج کر لیا 

 پولیس نے نامعلوم  کارکنوں کی شناخت اور گرفتاریوں کیلئے جلسے کی ویڈیو اور تصاویر سے مدد حاصل کرنا شروع کر دی

مکمل تحریر >>>

گلشن حدید کے چیئرمین و وائس چیئرمین کے خلاف علاقہ مکینوں کا احتجاجی مظاہرہ

 

گلشن حدید فیز ٹو کے یوسی چیئرمین راو صفدر اور وائیس چیئرمین عباس ٹالپر کے خلاف نوجوان اتحاد کا احتجاجی مظاہرہ 

نوجوان اتحاد اور فٹ بال کے کھلاڑیوں نے ہاتھوں میں بینر اور پلے کارڈ اٹھا رکھے تھے۔

بلدیاتی الیکشن سے قبل چیئرمین راو صفدر اور عباس ٹالپر نے ووٹ لینے کے لئے فٹ بال گراؤنڈ بنانے کا وعدہ کیا تھا اب وہ ہمارا فون بھی اٹینڈ نہیں کرتے۔مظاہرین

نا اہل یوسی چیئرمین راو صفدر اور وائیس چیئرمین عباس ٹالپر جھوٹے وعدے اور فریبی نعروں کے چیمپئن ہیں۔مظاہرین

گلشن حدید فیز ٹو میں پیپلز پارٹی کی شکست کے ذمہ دار بھی چیئرمین اور وائیس چیرمین ہیں۔مظاہرین

راو صفدر اور عباس ٹالپر کی وجہ سے پوری یوسی میں گٹر ابل رہے ہیں اور گندگی کا ڈھیر لگا ہوا ہے۔ مظاہرہ کرنے والے نوجوان 

ایم این اے جام عبدالکریم ،ساجد جوکھیو ہے، اور سلمان عبداللہ مراد دونوں نااہلوں کو فوری ہٹائیں اور گلشنِ حدید کے عوام پر رحم کریں۔مظاہرین۔

اگر فٹ بال گراؤنڈ نھیں بنا تو اگلے ہفتے پھر راو صفدر اور عباس ٹالپر کے خلاف احتجاج ہوگا۔

مکمل تحریر >>>

تھانہ بلدیہ ٹاؤن کی کارروائی ، 10 مقدمات میں ملوث ملزم گرفتار

سابقہ 10 مقدمات کے کریمنل ریکارڈ کا حامل رپیٹڈ کریمنل ایک کلو سے زائد منشیات سمیت گرفتار

ملزم کو خفیہ اطلاع پر حاجی قاسم کالونی بلدیہ ٹاؤن سے گرفتار کیا گیا، ایس ایس پی کیماڑی کیپٹن (ر) فیضان علی

گرفتار ملزم بنام آفاق احمد کے قبضہ سے بوقت گرفتاری 1230 گرام چرس بر آمد ہوئی۔

ملزم عادی جرائم پیشہ ہے جو کہ اس سے قبل بھی 10 مختلف مقدمات میں گرفتار ہو کر جیل جا چکا ہے۔

ملزم کو ایس ایچ او تھانہ بلدیہ سب انسپکٹر محمد عرفان نے اسٹاف کے ہمراہ کارروائی کرتے ہوئے گرفتار کیا۔

ملزم کے خلاف اینٹی نارکوٹکس ایکٹ کے تحت مقدمہ درج کرکے مزید تفتیش کی جا رہی ہے۔

مکمل تحریر >>>

کمشنر کراچی کا اجلاس میں شہری اداروں کو متحرک کرنے کا فیصلہ

کراچی ( اسٹاف رپورٹر ) کمشنر کراچی سید حسن نقوی کی زیر صدارت منعقدہ شہری اور بلدیاتی اداروں کے افسران کے جائزہ اجلاس میں مختلف شہری مسائل کا جائزہ لیا گیا فیصلہ کیا گیا ہے کہ شہر میں مصروف سڑکوں اور مختلف نالوں کے نزدیک قائم کچرہ کنڈیوں کو ہر ممکنہ طور پر دوسری جگہوں کو منتقل کیا جائے گا ، اسٹریٹ لائٹس سے محروم  مصروف  سڑکوں اور انڈر پاسز پر اسٹریٹ لائٹس نصب کی جائیں گی ۔شہر میں سڑکوں کی ٹوٹ پھوٹ کی وجہ سے پیدا ہونے والے مسائل اور ٹریفک کی دشواریوں اور شہریوں کی مشکلات کا جائیزہ لیا گیا ڈپٹی کمشنرز نے ان سڑکوں کی نشاندہی کی اور فہرست  پیش  کی جو فوری طور پر مرمت طلب ہیں۔ بتایا گیا کہ چھ سو سے زائد مقامات پر سڑکوں کی مرمت کی ضرورت یے فیصلہ کیا گیا کہ مرمت کا کام جمعرات سے شروع کر دیا جائے گا۔ بلدیہ عظمی کے چیف انجنیئر طارق مغل نے اجلاس کو سڑکوں کی مرمت کے بارے میں بریفننگ دی فیصلہ کیا گیا کہ سڑکوں کی ٹوٹ پھوٹ کے لئے بلدیہ عظمی متعلقہ ڈپٹی کمشنرز کی مشاورت سے کام کریں گے فوری نوعیت کی مطلوب سڑکوں پر کا م ترجیحی طور پر مکمل کیا جائے گا

 اجلاس میں مینجنگ ڈائریکٹر سالڈ ویسٹ مینجمنٹ بورڈ امتیاز علی شاہ، چیف آپریٹننگ افسر واٹر اینڈ سیوریج بورڈ اسداللہ خان، تمام ڈپٹی کمشنرز، تمام ٹاون میونسپل کارپوریشن کے میونسپل کمشنرز بلدیہ عظمی کراچی کے چیف انجینئر طارق مغل اور دیگر اداروں کے سینئر افسران نے شرکت کی ۔

مکمل تحریر >>>

بالی وڈ اداکار سلمان خان کی رہائشگاہ پر فائرنگ

بالی وڈ اداکار سلمان خان کی رہائشگاہ پر فائرنگ

بالی وڈ اداکار سلمان خان کی ممبئی میں رہائش گاہ کے باہر فائرنگ کا واقعہ پیش آیا 

پولیس حکام کے مطابق بالی وڈ اداکار سلمان خان کی رہائش گاہ کے باہر دو نامعلوم افراد نے فائرنگ کی، ملزمان کی شناخت، ان کا پتہ چلانے کیلئے کام کر رہے ہیں۔

پولیس نے فائرنگ کے واقعے کی تفصیلات بتاتے ہوئے کہا کہ بائیک پر ہیلمٹ پہنے دو افراد نے عمارت کی طرف اور ہوا میں چار سے پانچ راؤنڈ فائر کیے جس میں سے ایک گولی عمارت کی دیوار پر لگی، فارنزک ماہرین کی ٹیم شواہد اکٹھے کر رہی ہے۔ پولیس نے بتایا کہ اندھیرے کے باعث موٹر سائیکل کا رجسٹریشن نمبر واضح نہیں تھا۔

دوسری جانب بھارتی میڈیا کا کہنا ہے کہ گینگسٹر کی دھمکیوں کے باعث سلمان خان کی 2022 سے سکیورٹی بڑھا دی گئی تھی اور اداکار سلمان خان کو ذاتی ہتھیار رکھنے کا لائسنس بھی دیا گیا تھا۔

مکمل تحریر >>>

انتظامیہ کی غفلت، کراچی گورنمنٹ اسپتال نیو کراچی تباہی کے دہانے پر پہنچ گیا

کراچی ( اسٹاف رپورٹر) سندھ گورنمنٹ اسپتال نیو کراچی گزشتہ کئی سالوں سے تباہی کا شکار آپریشن تھیٹر بند، بچوں کی ختنہ کے لیئے رنگ بھی بازار سے منگوائے جانے لگے۔مریض سخت ذہنی کرب میں مبتلا ہو گئے۔ذرائع کے مطابق اسپتال میں  ادویات ناپید  اور نا آپریشن کی سہولیات ، ماضی کی طرح ٹال مٹول کا سلسلہ جاری ہے۔ایمرجنسی کی صورت میں نا تو ادویات میسر ہیں اور نا ہی سگ گزیدگی کے انجیکشن موجود ہیں۔ڈسپینسری میں بخار کے لیئے پیناڈول تک موجود نھی اور نا ہی اینٹی بائیوٹک ملتا ہے ، کھانس کا شربت بوتل سے نکال کر چھوٹی چھوٹی پلاسٹک کی تھیلیوں میں دیا جاتا ہے جسں پر نا ہی شربت کا نام اور تاریخ معیاد لکھی ہوئی ہوتی ہے۔ جس سے شربت کے زائدالمیعاد ہونے کا علم ہی نہیں ہو پاتا۔ مریضوں کی جانب سے متعدد شکایات کےباوجود انتظامیہ ٹس سے مس ہونے کا نام ہی نہیں لے رہی۔ مزید برآں ایکس رے فلمیں  موبائل پر تصویر کھینچ کر دی جاتی ہے اور جس مریض کے پاس اینڈروئیڈ موبائل نا ہو وہ بنا ایکس رے ہی واپس لوٹا دیا جاتا ہے ۔کروڑوں روپے سندھ سرکار کی جانب سے سندھ گورنمنٹ اسپتال نیو کراچی کو مریضوں کی ادویات کی مد میں دیے جاتے ہیں مگر کرپٹ افسران تمام بجٹ ہڑپ کر جاتے ہیں۔ 

اسپتال ذرائع کا کہنا ہے کہ ایک کروڑ روپے اسپتال کے کچن کا بجٹ ہونے کے باوجود داخل مریضوں کو معیاری کھانا تک فراہم نہیں کیا جاتا۔ اسپتال انتظامیہ پارکنگ کے نام پر فی موٹر سائیکل 30 روپے وصول کرنے  لگی جو کہ آنے والے غریب مریضوں کے لیئے وبال جان اور آئے روز شور شرابا طوفان بدتمیزی کا ماحول پیدا کر رہا ہے۔علاوہ ازیں اس سے قبل بھی غیر حاضر رہتے ہوئے پوری  تنخواہیں لینے والے ملازمین کے ناموں کا بھی انکشاف ہوا تھا پر تاحال کسی بھی ملازم کے خلاف اب تک محکمہ جاتی کارروائی عمل میں نا لائی جاسکی ہے۔ 

مکمل تحریر >>>

برطانیہ: 2009 کے بعد پیدا ہونے والوں کو سگریٹ کی فروخت بند

برطانیہ میں، 2009 کے بعد پیدا ہونے والوں کے ہاتھ،

سگریٹ کی فروخت بند کر دی گئی ۔

کل ہاوس آف کامنز میں 67 منفی ووٹوں کے مقابل 383 مثبت ووٹوں سے منظور ہونے والے قانونی بِل کی رُو سے نئی نسل کو زندگی بھر سگریٹ دستیاب نہیں ہو سکیں گے۔

اس قانون کے ساتھ، ملک میں "سگریٹ نوشی سے پاک" نسل پیدا کرنے کے لئے، یکم جنوری 2009 کے بعد پیدا ہونے والوں کے ہاتھ سگریٹ کی فروخت ممنوع کر دی گئی ہے۔

قانون کے نفاذ کے بعد رواں سال 15 ویں سال میں داخل ہونے والے بچے زندگی بھر سگریٹ نہیں پی سکیں گے۔

مذکورہ قانون سگریٹ نوشی کی ممانعت پر نہیں صرف یکم جنوری 2009 کے بعد پیدا ہونے والوں کے ہاتھ سگریٹ کی فروخت کی ممانعت پر مبنی ہے۔

واضح رہے کہ برطانیہ کے قومی محکمہ شماریات کے مطابق 2022 میں ملک کی بالغ آبادی کا 12،9 فیصد سگریٹ نوشی کرتا ہے۔

مذکورہ سے مشابہہ قانونی بِل نیوزی لینڈ میں بھی منظور کیا گیا تھا لیکن نفاذ سے پہلے ہی نئی کولیشن حکومت کی طرف سے کالعدم کر دیا گیا تھا۔

مکمل تحریر >>>

ٹھٹہ پولیس کی کارروائی ، ایرانی ڈیزل و پیٹرول کی اسمگلنگ کی کوشش ناکام، ملزمان گرفتار

ایس ایس پی ٹھٹہ ڈاکٹر محمد عمران خان کے احکامات پر ٹھٹہ پولیس کا ایرانی پیٹرول اور ڈیزل اسمگلنگ کے خلاف کارروائیاں جاری

 

ایرانی پیٹرول اسمگلنگ کرنے کی کوششیں ناکام 2 ملزمان گرفتار؛ دو پیٹرول ٹینکرز بمعہ 23 ہزار غیر قانونی ایرانی پیٹرول برآمد

ایس ایچ او تھانہ دھابیجی پولیس نے دوران گشت دھابیجی  قریب کارروائی کرکے 1 آئل ٹینکر نمبر TUE-607 سے 2 ملزمان ڈرائیور نازک ولد غلام سرور بھٹو اور کلینڈر شاھنواز ولد عبد الرشید شاہ کو گرفتار کرلیا

 پولیس نے ٹینکر کو حراست میں لیکر 8 ہزار لیٹر ایرانی پیٹرول برآمد کرکے قانونی کارروائی شروع کردی 

دوسری جانب ساکرو پولیس نے ملکا اسٹاپ ساکرو تا گھارو روڈ پر کارروائی کرکے 1 پیٹرول ٹینکر مزدا نمبر TAA-032 کو 15 ہزار لیٹر ایرانی پیٹرول سمیت برآمد کرلیا

مکمل تحریر >>>

جرائم کے خلاف ناقص کارکردگی کا زمہ دار متعلقہ ایس پی اور ایس ایچ او ہوگا، وزیر داخلہ سندھ

گھوٹکی ( 50 نیوز) ہائی ویز کو مسافروں کے لیئے محفوظ بنایا جائے،وزیر داخلہ سندھ

جرائم کے خلاف ناقص کارکردگی کا زمہ دار متعلقہ ایس پی اور ایس ایچ او ہوگا، ضیاء الحسن لنجار 

تمام کمیونٹیز کا تحفظ پولیس کی ذمہ داری  ہے۔غلام نبی میمن

وزیر داخلہ سندھ ضیاء الحسن لنجار   کی زیر صدارت گھوٹکی اور سکھر کے  تھانہ جات کی حدود میں امن و امان کی صورتحال پر جائزہ اجلاس 

اجلاس میں صحافی جان محمد مہر قتل کیس  اور  پریا کماری کیس  بھی زیر لایا گیا 

اجلاس میں آئی جی سندھ غلام نبی میمن کے علاوہ   ڈی آئی جیز سکھر,میرپور خاص اور متعلقہ ضلعی ایس ایس پیز و دیگر سینئر افسران شریک 

وزیر داخلہ سندھ اور آئی جی سندھ سے جان محمد مہر کے ورثاء اور پریا کماری کے اہل خانہ سمیت ہندو پنچایت پر مشتمل وفد  کی بھی ملاقات 

وزیر داخلہ سندھ نے ملاقات میں دونوں متاثرہ خاندانوں کو انصاف کی جلد سے جلد فراہمی کا یقین دلایا

وزیر داخلہ سندھ کی صحافی جان محمد مہر کیس کو جلد سے جلد منطقی انجام تک پہنچانے کی ہدایت 

سکھر اور گھوٹکی سے تعلق رکھنے والے تاجر برادری,سول سوسائٹی سے وابستہ شخصیات اور وکلاء برادری کے وفد نے بھی وزیر داخلہ سندھ سے ملاقات کی 

 شاہراہوں پر لوٹ مار مسافر گاڑیوں, مال بردار گاڑیوں و دیگر گاڑیوں کو ڈکیتی/رہزنی کا نشانہ بنانیوالے لٹیروں کو کیفر کردار تک پہنچایا جائے ، ضیاء الحسن لنجار

مکمل تحریر >>>

کورنگی زمان ٹاؤن میں پولیس کا چھاپہ، بڑی مقدار میں مضر صحت ماوا گٹکا برآمد، ملزم گرفتار

      

کراچی ضلع کورنگی زمان ٹاٶن پولیس کا گٹکے ماوے کے   کارخانے پر چھاپہ، ایس ایس پی کورنگی 
 چھاپے کے دوران بڑی مقدار میں مضر صحت گٹکا /ماوا برآمد، حسن سردار 

تیار چھالیہ اور گٹکے ماوے کا مکسچر بھی برآمد کیا،

 چھاپے کے دوران ملزم ندیم حسین کو بھی گرفتار کرلیاگیا

 گٹکا/ ماوا کورنگی بھٹائی کالونی میں گھر کے اندر تیار کیا جارہا تھا

گرفتار  ملزم کے خلاف تھانہ کورنگی میں مقدمہ درج کیا جارہا ہے، ترجمان ایس ایس پی کورنگی

مکمل تحریر >>>

موچکو پولیس کی دبنگ کارروائی ، چھالیہ اسمگلنگ کی کوشش ناکام بنا دی

ضلع کیماڑی تھانہ موچکو

 پولیس کی خفیہ اطلاع کارروائی

16 من سے زائد چھالیہ اسمگل کرنے کی کوشش ناک 

رئیس گوٹھ 60 فٹ روڈ پر اسمگل شدہ چھالیہ سے لوڈ گاڑی پکڑی گئی

پکڑی گئی چنگان گاڑی سے 60 عدد بورے وزنی 660 کلو نان کسٹم پیڈ چھالیہ برآمد

کارروائی ایس ایچ او تھانہ موچکو سب انسپکٹر سید محمد عدنان نے اسٹاف کے ہمراہ عمل میں لائی

برآمدہ مال و گاڑی کو قبضہ پولیس میں لے کر مزید کاروائی عمل میں لائی جا رہی ہے

مکمل تحریر >>>

اکرم ابڑو اور شہریار کے قتل کی تفتیش کے لیے اعلی سطحی کی ٹیم تشکیل دیدی گئی

  کراچی ( 50 نیوز) اکرم ابڑو اور شہریار ابڑو قتل کے ہائی پروفائل کیس کی تفتیش کے لیے دو اضلاع اور سی ٹی ڈی کے افسران پر مشتمل اعلی سطحی کی تفتیشی ٹیم تیار کر لی گئی۔

تفصیلات کے مطابق کراچی، ڈیفنس تھانے کی حدود میں اکرم ابڑو اور شہریار ابڑو کی مبینہ ٹارگٹ کلنگ کے سلسلے میں آئی جی سندھ نے تفتیش کے لیے اعلی سطحی ٹیم تیار کر لی ہے، جس میں صوبے کے دو اضلاع سے اور انسداد دہشتگردی ڈپارٹمنٹ سے افسران کو شامل کیا گیا ہے۔

یہ تفتیشی ٹیم ڈی آئی جی ساؤتھ عرفان بلوچ کی سربراہی میں تشکیل دی گئی ہے، جس میں ایس ایس پی ساؤتھ اسد رضا، ایس ایس پی جیکب آباد سمیل نور، انچارج سی ٹی ڈی راجہ عمر خطاب، ایس پی انویسٹی گیشن ابریز عباسی، ڈی ایس پی آغا اصغر پٹھان سمیت ایس ایچ او اور ایس آئی او ڈیفنس اور انچارج آئی ٹی سیکشن جیکب آباد شفاعت اعوان شامل ہیں۔

واضح رہے کہ گزشتہ روز فائرنگ سے محمد اکرم ابڑو اور شہریار ابڑو جاں بحق ہوئے تھے، جب کہ گولیاں لگنے سے دو افراد ارشاد علی اور محمد عبداللہ زخمی ہو گئے تھے۔

یہ ٹیم حملے میں ملوث ملزمان کی شناخت اور گرفتاری کے لیے تمام کوششیں کرے گی، اور آئی جی سندھ کوکیس کی پیش رفت رپورٹ بھی پیش کرے گی۔ 

مکمل تحریر >>>

ماڑی پوریوسی کے نومنتخب چیئرمین سیف اللہ نور کا اپنی بلدیاتی نشست مرتضیٰ وہاب کیلئے چھوڑنے کا اعلان

 کراچی(اسٹاف رپورٹر )ضلع کیماڑی ماڑی پور یوسی 

کے جیالے چیئرمین سیف اللہ نور نےمیئر کراچی مرتضیٰ وہاب کو بلدیاتی انتخاب میں کامیابی کا آسان ہدف دیتے ہوۓ ماڑی پور  یوسی سے الیکشن لڑنے کی پیشکش کرتےہوۓخود یوسی چیرمین   کی نشست سے مستعفی ہونے کی پیشکش کردی ۔ 

یوسی چئیرمین سیف اللّه نور نے کہا ہے کہ

 پیپلز پارٹی پر اپنا سب کچھ قربان کرسکتا ہوں

 انہوں نے کہا کہ میئر  کراچی مرتضیٰ وہاب میرے

 پارٹی چئیرمین کا انتخاب ہیں اگر مرتضیٰ وہاب

 ماڑی پور یوسی سے انتخاب لڑنے کی حامی 

بھر لیں تو میں پانچ منٹ میں اپنے چئیرمین

 کے عہدے سے مستعفی ہوجاؤں گا اور ان

 کے تمام تر انتخابی اخراجات بھی خود برداشت

 کروں گا۔  پیپلز پارٹی کے کارکنان سمیت ہم

 خود ان کی انتخابی مہم چلائیں گے ۔ 

سیف اللّه نور کا کہنا ہے کہ میری خواہش ہے

 میئر کراچی میری یوسی ماڑی پور سے الیکشن

 لڑیں ان شاءاللہ ان کے مقابلے میں کوئی 

امیدوار نہیں ہوگا اور مرتضیٰ وہاب بلا مقابلہ

 کامیاب ہوں گے اور ماڑی پور کے عوام 

فخر سے کہیں گے کہ میئر کراچی ہمارے علاقے

 کے ہیں ماڑی پور کے عوام کو ایک نئی سیاسی

 پہچان ملے گی اس لیے میں مرتضیٰ وہاب کو 

اپنی نشست سے الیکشن لڑنے کی پیشکش کررہا 

ہوں۔ 

مکمل تحریر >>>

بلاول بھٹو زرداری کے ویژن پر عوام کے مسائل حل کروں گا، نواز بروہی

کراچی( 50 نیوز ) منگھوپیر ٹاؤن ضلع غربی کے جیالے چیئرمین حاجی نواز بروہی نے اپنے عہدے کا حلف اٹھانے کے بعد  میئر کراچی مرتضیٰ وہاب اور ڈپٹی میئر کراچی سلمان عبداللہ مراد کے ہمراہ گڑھی خدا بخش لاڑکانہ میں پیپلز پارٹی کے بانی چیئرمین قائد عوام ذوالفقار علی بھٹو شہید اور پیپلز پارٹی کی شہید چیئرپرسن مسلم دنیا کی پہلی دو بار منتخب وزیر اعظم محترمہ بینظیر بھٹو شہید کے مزاروں پر حاضری دی پھولوں کی چادریں چڑھائیں اور فاتحہ خوانی کی ۔ 

جیالے چیئرمین حاجی نواز بروہی نے اپنے شہید قائدین کے مزاروں پر عہد کرتے ہوۓ کہا کہ اے میرے شہید قائدین میں عہد کرتا ہوں کہ پارٹی کے منشور اور چیئرمین بلاول بھٹو زرداری کے ویژن پر عوام کے مسائل حل کروں گا اپنے دور چیئرمین شپ میں عوام کو زیادہ سے زیادہ ریلیف فراہم کرکے پیپلز پارٹی کے پرچم کو منگھو  پیر میں کبھی سرنگوں نہیں ہونے دوں گا حاجی نواز بروہی نے شہید قائدین کے مزاروں پر وعدہ کیا مجھے جو اعزاز پارٹی قیادت نے دیا ہے یہ چیئرمین شپ پارٹی کی امانت ہے انشاء اللّه اس امانت میں کبھی بھی خیانت نہیں کروں گا۔ 

مکمل تحریر >>>

سندھ بلڈنگ کنٹرول اتھارٹی کے 3 افسران بھتہ لینے پر گرفتار

کراچی ( 50 نیوز) سندھ بلڈنگ کنٹرول اتھارٹی کے تین افسران بھتہ لینے کے الزام میں گرفتار ایک فرار

گرفتار ملزمان میں ایس بی سی اے کے 3 سینئیر بلڈنگ اسپکٹر شامل ہیں،پولیس

گرفتار ملزمان کے خلاف پریڈی تھانے میں مقدمہ درج کر لیا گیا

مقدمہ میں 7 ATA اور بھتہ خوری کی دفعات شامل کی گئی ہے،پولیس

ملزمان نے بلڈر سے 40 لاکھ روپے بھتہ طلب کیا تھا،پولیس

مکمل تحریر >>>

پولیس ٹیم پرفائرنگ ؛ لال مسجد کے مولانا عبدالعزیز کےخلاف دہشت گردی کا مقدمہ

وفاقی دارالحکومت اسلام آباد میں پولیس پر دیگر  چار افراد کے ساتھ مل کر فائرنگ کرنے والے لال مسجد کے مولانا عبدالعزیز کے خلاف دہشت گردی کا مقدمہ درج کر لیا گیا۔

محکمہ انسداد دہشت گردی (سی ٹی ڈی) نے مقدمہ درج کیا۔ایف آئی آر میں پاکستان پینل کوڈ کی 6 دفعات شامل ہیں جن میں انسداد دہشت گردی ایکٹ کی دفعہ 324 (قتل کی کوشش) کے ساتھ ساتھ سیکشن 7 (دہشت گردی کی کارروائیوں کی سزا) اور الیون ای شامل کی گئی ہیں۔

 مقامی میڈیا کے مطابق سی ٹی ڈی کی ایک ٹیم مبینہ طور پرلال مسجد پہنچی تاکہ مولانا عبدالعزیز لال مسجد کے بطورپیشوا واپسی اور بچوں کی سابقہ لائبریری پر قبضہ کرنے کی کوششوں پر وضاحت طلب کی جا سکے۔

ایف آئی آر کے مطابق علاقے میں ٹیم نے ایک “مشکوک” گاڑی دیکھی جسے رکنے کا اشارہ کیا گیا۔ تاہم تین افراد نے جن میں دو کے پاس سب مشین گن (ایس ایم جی) تھی انہوں نےپولیس پر فائرنگ کر دی۔

پولیس کے مطابق تینوں افراد مراد خان، ابرار احمد اور سرفراز حسین کو  گرفتار کیا گیا جبکہ مولانا عبدالعزیز اور ایک دوسرا شخص فرار ہونے میں کامیاب ہوگئے۔ ایف آئی آر میں اس کی شناخت ڈرائیور منظورکے طور پر ہوئی ہے۔ عبدالعزیز کے علاوہ 4 افراد کے خلاف بھی مقدمہ درج کر لیا گیا ہے۔

مکمل تحریر >>>

امریکا میں بھارتی وزیراعظم کوسُبکی کا سامنا

امریکا میں قدم رکھتے ہی بھارتی وزیراعظم نریندر مودی کو سبکی کا سامنا ہوگیا، بھارت میں بڑھتی ہوئی انتہا پسندی کے معاملے پر 75 امریکی ممبران کانگریس و ایوان نمائندگان نے امریکی صدر کو خط لکھ دیا۔

اراکین کانگریس نے بھارتی وزیراعظم کے دورہ امریکا کے موقع

 پر  صدر کو لکھے اپنے خط میں بھارت کے اندر بڑھتی ہوئی سیاسی

 گھٹن، مذہبی عدم برداشت، صحافیوں کو نشانہ بنانے، آزادی اظہار

 اور انٹرنیٹ کی بندش جیسے مسائل اٹھا دیے۔

 اراکین کانگریس نے اپنے خط میں کہا کہ بھارتی وزیر اعظم سے 

ملاقات میں صدر بائیڈن ان معاملات پر بھی بات کریں، بھارت

 کے ساتھ دوستی مشترکہ اقدار پر استوار ہونی چاہیے۔

امریکی صدر کو لکھے گئے خط پر 18 سینیٹرز اور 57 ایوان نمائندگان 

نے دستخط کیے ہیں۔

 امریکی صدر کی جانب سے نریندر مودی کی اعزاز میں وائٹ ہاؤس

 میں عشائیہ منعقد کیے جانے پر اراکین کا کہنا تھا کہ امریکی صدر کو

 مودی سرکار کے ماتحت بھارت میں ہونے والی انسانی حقوق کی 

سنگین خلاف ورزیوں اور اقلیتوں کے خلاف بڑھتی ہوئی مذہبی

 انتہاپسندی پر آنکھیں بند نہیں کرنی چاہیے۔

امریکی رکن کانگریس راشدہ طلیب نے اپنی ایک ٹوئٹ میں لکھا کہ

 مودی کی  غیر جمہوری اقدامات، مسلمانوں اور مذہبی اقلیتوں کو

 نشانہ بنانے، انسانی حقوق کی خلاف ورزیوں اور صحافیوں کے خلاف

 کارروائیوں کی ایک لمبی تاریخ کے باوجود انہیں ہمارے ملک

 کے دارالخلافہ کا پلیٹ فارم پیش کرنا انتہائی شرمناک ہے۔

انہوں نے اعلان کیا کہ وہ مودی کے خطاب کیلئے بلائے گئے ایوان 

کے مشترکہ اجلاس کا بائیکاٹ کریں گی۔

مکمل تحریر >>>

کراچی، بلدیہ ٹاؤن میں پیپلزپارٹی کے نومنتخب چیئرمین پر بھتہ لینے کا الزام، خاتون کو سنگین نتائج کی دھمکیاں

متاثرہ عورت مسمات امتیاز بیگم کی درخواست کے مطابق اسکے 2 پلاٹ سیکٹر 17 اے سعیدآباد میں موجود ہیں شوہر کا انتقال ہوچکاہے پلاٹوں کی دیوار گزشتہ سال برسات میں گری تھی پیسے نہ ہونے سبب تعمیرات نہ کرواسکی اب کمیٹی کھلی تو ٹھیکدار کو کام پر لگایا تو شہزاد تنولی نامی شخص جو اپنے آپ کو یونین کاؤنسل نمبر 2 بلدیہ ٹاؤن عارف تنولی کا سالا بتاتا ھے اپنے 20/25 افراد کے ہمراہ میرے پلاٹوں پر آیا کچھ کے پاس اسلحہ تھا اور کچھ کے پاس ڈنڈے وغیرہ تھے شہزاد تنولی نے پسٹل نکال کر ٹھیکدار کے سر پر رکھی اور کہا بھاگ جاؤدوبارہ ان پلاٹوں پر نہیں

 آنا ورنہ جان سے ماردونگا میرے اصرار کرنے پر کہا شام کو

 عارف تنولی کے دفتر آجانا جب شام کو میں اپنی بیٹی کے

 ہمراہ عارف تنولی کے دفتر گئی تو عارف تنولی نے ڈرایا دھمکایا

 اور سنگین نتائج کی دھمکیاں دیں اور کہا کہ نادرن بائی پاس پر 

120 گز کا پلاٹ لے لو یا انور افغانی نامی شخص کو 8,50٫000

 آٹھ لاکھ پچاس ہزار دیدو پھر پلاٹ پر کام کرنا۔

اس ضمن میں یوسی چیئرمین عارف تنولی سے معلومات ذریعہ

 فون حاصل کرنے کی کوشش کی گئی موصوف غصے میں آگئے اور

 بدتمیزی کرنے لگے اور کہا میرا پلاٹوں سے کوئی واسطہ نہیں ہے

 تاہم متاثرہ خاتون درخواست دینے سعیدآباد تھانہ پہنچی تو کسی

 نے درخواست وصول نہیں کی مجبورا خاتون نے ایس پی بلدیہ

 آفس میں درخواست جمع کرائی۔ 

مکمل تحریر >>>